ألف مبروك للمكتتبين الذين سيتحصلون على مفاتيح سكناتهم عدل 2، المكتتبين الذين خلصوا 04 أقساط لطرونش كامل نتاع عدل 2 نحكوا شويا دارجة خير،
بعد مكملتوا خلصتوا لطرونش كامل 1و 2 و3 4 لجماعة ف3 وف4 وخرج لكم التخصيص يبقى نوتار وكتيبة من أجل عقد الإيجار وبعدها تدوا مفاتيح لكن قبل ذلك كاين ملاحظتين مهمتين أقراو مدونة مليح أو شاهدوا فيديو أسف التدوينة، كاين زوج حوايج مهمين بزاف باه ماتغلطوش ويصرالكم كيما صرى لجماعة قبلكم وتخسروا دراهم بزاف وتولوا في مشاكل، مهم قبل هذا نقلك ملف واش فيه بعد ماتدخل لموقع عدل 2 عبر رابط موقع عدل 2 باه تدي رونديفوا عند نوتار وتروح تدفعله ملف وتخلص ويعطيك وصل لي تتحصل بيه على مفتاح وترحل لسكنتك بعد طول إنتظار.
ملف الواجب دفعه لدى الموثق :
نسخة من وصولات الدفع للأشطر وأقساط الأربعة وأمر بالدفع شاك لي خرجته من الموقع أو أكثر للجماعة لي كان عندهم ف3 ومن بعد ولات ف4 زادوا فرساوا.
نسخة من شهادة التخصيص.
شهادة الميلاد للمعني المكتتب أو للمكتتب ومكلف في حالة مكان إنسان داير كفالة وتنازل لشخص آخر يخلص أقساط في بلاصته.
نسخة من بطاقة التعريف الوطني.
بعد إمضاء عقد الإيجار يعطيك الموثق مقرر الإستفادة هذا الأخير مؤقت في إنتظار عقد الإيجار الأصلي يجيب بعد مدة على حسب أقصاها شهر، تروح تدي مقرر الإستفادة لمكتب عدل 2 لقريب ليك في الولاية تعطيه لهم وتزيد تمد لكم معاك الملف التالي :
نسختين من وصولات الدفع للأشطر الأربعة وأوامر الدفع من النسخ الأصلية.
نسختين من شهادة التخصيص.
نسختين من بطاقة التعريف الوطني.
يعطوك وصل تديه للمكتب المتواجد على مستوى الحي لي عطاوك فيه السكن تعطيه لهم يعطوك المفتاح .
وألف مبروك للجميع .
ملاحظة مهمة جدا :
أولا :
كي تدي الوصل وتدفعوا للمكتب على مستوى الحي لي عطاوك فيه السكن وتعطيه لهم باه يعطوك المفتاح راهم يطلبوا منك تمضي على إستلام مفتاح أقرى مليح كاين ورقة يطلبوا منك تمضي فيها هي بطاقة الجرد أو معاينة ماشفيتش على أسمها مليح مهم معناها تمضي على ورقة بلي إستلمت السكن بدون مشاكل ومافيه والو هنـــــــــــــــــــــــــــــــــــــــــــــــــا لا ماتمضيش حتى تدخل للسكن نتاعك وتشوفه قبل وتطلع معاه المكلف بتسليم المفاتيح باه إذا لقيت كاش حاجة في السكن نتاعك ماتمضيش وماتشدش المفتاح حتى يخدموها مثلا مالقيتش باب كاين أو حيط مكسر طايح وووو مهم أي حاجة فيها خسارة نتاع دراهم ليك أطلب منهم هم يخدموها وفي حالة ماإذا تحشاتلك وغلطت ومضيت ومن بعدها لقيات بلي سكن مهرود وفيه خسائر بزاف أرفد قضية عليهم وبلغهم قبل ماترفد القضية إذا خدموها ورقلوا لك مشكل صح وإذا ماحبوش إرفد قضية وماتسكنش في السكن.
ثانيا :
كي تجيك وتوصلك أول فاتورة قبل ماتخلصها ماتخلصهاش حتى سقسي في الحي على جمعية الحي إذا رفعت قضية على شركة جاست إيمو باه ينحوا الأتعاب الدائمة وربحوا القضية سجل نت معاهم وشارعهم باه تربح القضية أيضا على خاطر إذا خلصت ومن بعد رفعت قضية إحتمال كبير تخسرها.
وألف مبروك للجميع ولعقوبة للباقيين المغبونين ربي يفرج عليهم.
ماتنساش دعمنا في الإشتراك في القناة والمدونة ليصلك كل جديد.
رابط : فيديو الشرح
